Норвегия нефть нархига кучли зарба беришга тайёргарлик кўрмоқда: мамлакат Шимолий денгиздаги Йохан Свердруп улкан нефть конидаги хом ашёни нефть бозорига чиқармоқда. Бу ҳақда Bloomberg хабар қилган.
Equinor компанияси нефть ишлаб чиқаришни 2019 йил ноябрь ойида бошлаган ва декабрга келиб кўрсаткични суткасига 350 минг баррель нефть ишлаб чиқаришга оширди. 2020 йил ёзида нефть заводининг кунига 440 минг баррель «қора олтин» ишлаб чиқариши, 2022 йилдан кейин эса 660 минг баррелга етказилиши кутилганди. Бироқ 30 март, душанба куни, Equinor май бошидаёқ суткасига 470 минг баррель нефть ишлаб чиқаришни бошлаши, яъни таргетдан 30 минг баррелга кўпроқ хом ашё етиштириши маълум қилинди.
Норвегиянинг нефть ишлаб чиқариш ҳажмини ошириши бозордаги вазиятни янада оғирлаштиради. Одатда бутун дунёда нефть хом ашёсининг 100 миллион баррели истеъмолга йўналтирилади. Бироқ нефть инқирози даврида ушбу рақам 25 фоизга қисқариши мумкин. Шу тариқа бозорда суткасига 25 миллион баррель ортиқча нефть пайдо бўлади.
Норвегия нефть заводи эгалари ушбу вазиятга қарамай «қора олтин» ишлаб чиқариш ҳажмини оширишда давом этмоқчи. Янгидан бошланган жаҳон молиявий инқирози ва бозорлардаги беқарор вазиятда Йохан Свердруп заводи Equinor ва бошқа компаниялар учун хом ашё арзонга тушиши ҳисобига яхши даромад манбаига айланиши мумкин. Гарчи Brent маркасидаги нефть нархи 2002 йил ноябрь ойидан бери минимум бўлган баррель учун 23 долларга тушиб кетган бўлса ҳам, Йохан Свердруп хом ашё сотувида ҳатто баррель учун 20 доллардан пастроқ нархланса ҳам даромад келтиришга қодир.
Мавзуга доир:
- Лондон биржасида Brent маркали нефть нархи 2003 йилдан бери илк бора 27 доллардан пастлади
- Марказий банк рубль ва тенгенинг қадрсизланиши сўмнинг алмашув курсига нима учун таъсир қилмаётганига изоҳ берди
- Иқтисодчи Юлий Юсупов жаҳон бозорида нефть нархи пасайишда давом этса, сўмнинг девалвацияси муқаррарлигини билдирди
- Жаҳон бозорида нефть нархининг «қулаши», долларнинг юқорилаши қандай оқибатларга олиб келади? Асосий маълумотлар
Изоҳ (0)