Италияликлар карантинда классик фильмларни проекторлар орқали аҳолига намойиш этмоқда

Рим кинофестивали дастури ташкилотчилари классик кинематография орқали шаҳар руҳиятини кўтариб, аҳолини коронавирус фикридан чалғитишга қарор қилди. Alice nella Citta дастурига жавоб берувчи Фабиа Беттини ва Жанлукка Канелли шаҳарликларга фильмлардан парчалар намойиш этмоқда, деб хабар беради «Кинопоиск».

Беттини ва Жанеллининг сўзларига кўра, севимли фильмлардаги саҳналарни биргаликда кўриш орқали оғир дамда одамларни тинчлантиришга ҳаракат қилинмоқда. Улар проекторлари бор фуқаролардан ушбу ҳаракатни қўллаб-қувватлашни сўраган. Шунган сўнг, акцияга нафақат Рим, балки Пиза, Турин ва Палермода ҳам қўшилишди.

https://www.instagram.com/p/B-EwonKnAIx/?utm_source=ig_embed

Италиянинг муаллифлик тўғрисидаги қонунчилигига кўра, картиналарни тўлиқ намойиш этиш тақиқланади, шу сабабли одамлар қисқа клиплар намойиши билан чекланмоқда. Ҳозиргача «Ўлик шоирлар жамияти», «Билли Эллиот», «Буюк диктатор», «Аристрократ мушуклар», « ‘Парадизo’ янги кинотеатри», «Ширин ҳаёт», «Берлин узра осмон» ва «Миландаги мўъжиза» каби фильмлардан парчалар намойиш этилди.