Шимолий Корея Марказий телеграф агентлиги (КМТА) хабарига кўра, икки чет эл фуқароси ва яна 2 280 нафар фуқаро КХДР ҳудудида карантинда қолмоқда. Бу ҳақда «РИА Новости» хабар берди.
Аввалроқ КХДР уч кишидан ташқари барча хорижий фуқароларни карантиндан чиқарганини маълум қилган. Карантинда жами 380 нафар чет эл фуқароси бўлган. КМТА Пхёнан-Намдо, Пхёнан-Пукто провинцияларида карантиндан мос равишда 1500 ва 1 090 киши чақарилгани ва Канвондо провинциясидан яна 1 430 кишига рухсат берилганини маълум қилган. Жанубий Корея ОАВлари разведка хизмати маълумотларига таяниб хабар беришича, КХДР умумий ҳисобда камида 7 минг кишини карантинга олган.
Агантлик сўнгги маълумотларига кўра, карантиндан яна бир хорижий фуқаро чиқарилган, шу сабабли айни пайтда икки нафар хорижлик ва 2 280 нафар шимолий кореялик кузатув остида қолмоқда. Қайд этилишича, карантин даврини ўтаб бўлган ва касаллик белгилари кузатилмаганларга рухсат берилмоқда. Қолганларнинг сўғлиғи кунига камида икки марта текшириб турилади.
Аввалроқ Financial Times газетаси ўз манбаларига таяниб, Шимолий Корея ҳукумати ўтган ҳафта давомида мамлакатда COVID-19 коронавируси мавжудлигини аниқлашни кенгайтириш мақсадида «халқаро алоқалар»га мурожаат этганини маълум қилган.
Январь ойи охирида КХДР COVID-19 га қарши чоралар доирасида чегараларни деярли ёпиб қўйди ва «миллий фавқулодда карантин тизими» жорий этилишини эълон қилди. Февраль ойида чет элдан келган фуқаролар учун карантин муддати 30 кунгача узайтирилди.
КХДР оммавий ахборот воситалари фуқароларни жамоат транспортида хавфсизлик қоидаларига риоя қилишга ва камида бир метр масофада сақлашга чақирмоқда. КХДР мактабларида таътиллар номаълум муддатга яна узайтирилди.
Сўнгги маълумотларга кўра, бутун дунёда коронавирус юқтириб олганлар 500 мингдан, касаллик туфайли вафот этганлар сони эса 23 минг кишидан ошган. Ўзбекистонда коронавирус билан касалланганар сони 88 нафарга етди.
Изоҳ (0)