Давлат солиқ қўмитаси буйруғига биноан Исламова Наргис Зарибжановна Тошкент шаҳар Яккасарой тумани давлат солиқ инспекцияси бошлиғи лавозимига тайинланди. Бу ҳақда Солиқ қўмитаси матбуот хизмати хабар берган.
Наргис Исламова янги лавозимга тайинлангунга қадар Тошкент шаҳар давлат солиқ бошқармаси Солиқ текширувлари ва мавзули экспресс-ўрганишлар бўлими бошлиғи лавозимида ишлаб келган.
Н.Исламова 1970 йилда Тошкент шаҳрида туғилган. Н. Исламова Тошкент ирригация ва қишлоқ хўжалигини механизациялаштириш муҳандислари институтини Муҳандис-иқтисодчи мутахассислиги бўйича тамомлаган. У 1993 йилдан буён давлат солиқ органлари тизимида масъулиятли лавозимларда фаолият юритмоқда.
Шунингдек, у Солиқ хизматининг III даражали маслаҳатчиси махсус унвонига ҳам эга.
Мавзуга доир:
Шунингдек, блогер Шаҳноза Соатованинг Адлия вазирлигида маънавий-маърифий ишлар самарадорлигини ошириш, давлат тили тўғрисидаги қонун ҳужжатларига риоя этилишини таъминлаш масалалари бўйича вазир маслаҳатчиси лавозимига тайинлангани, Одинахон Жамолдинова Олий ва ўрта махсус таълим вазирининг ушбу йўналишдаги маслаҳатчиси бўлгани ҳамда Ухань университетида ўқиган Тахмина Турдиалиеванинг Самарқанд вилояти ҳокимининг архитектура ва қурилиш масалалари бўйича маслаҳатчиси этиб тайинлангани хусусида хабарлар берилган.
Изоҳ (0)