Пандемия мавжудлигини инкор этувчи Coronavirus Challenge’да иштирок этиб, жамоат жойидаги ҳожатхона унитазини ялаган америкалик TikTok-блогер Ларс коронавирус юқтириб олди, деб ёзади Medialeaks.
Блогер 20 март куни ушбу тажрибага қўшилишга қарор қилган ва уни муваффақиятли бажарган. Шундан сўнг, ўзидан мамнун Ларс видеони Twitter ва TikTok’даги саҳифаларига «Коронавирус ҳақидаги маълумотларни тарқатинг» дея жойлаштирган.
Орадан икки кун ўтгач блогер ижтимоий тармоқларга шифохонада ётгани ва коронавирус учун топширган тести ижобий чиққани тасвирланган роликни жойлаштирган. Ҳозирда ушбу роликни кўришнинг иложи йўқ, чунки Ларс ўзининг Twitter’даги аккаунтини блоклаб қўйиб, TikTok’даги барча видеоларини ўчириб ташлаган. Бироқ уни скриншот қилишга улгуриб қолганлар ҳам бор.
Экспертларнинг таъкидлашича, Ларс коронавирусни айнан унитаздан юқтириб олмаган, чунки COVID-19’нинг инкубацион даври 14 кунни давом этади.
Изоҳ (0)