Бразилияда McDonald’s бренди логотипидаги «М» ҳарфи иккига бўлинди. Бу ҳақда TJournal нашри хабар берди.

Фото: TJournal

Таъкидланишича, Covid-19 пандемияси вақтида ўз-ўзини изоляция қилиш қанчалик муҳим эканини таъкидлаш мақсадида логога вақтинчалик ўзгартириш киритилган. AdAge’нинг ёзишига қараганда, бренд логоси фақатгина компаниянинг ижтимоий тармоқлардаги саҳифаларидагина ўзгарган, ресторанлардаги логотипларда ўзгариш бўлмаган.

Ҳамиша бирга бўлиш учун вақтинчалик ажратилди.

Бразилиядаги McDonald’s шиори

Нашрнинг маълум қилишича, McDonald’s Бразилия, АҚШ, Ирландия ва Буюк Британиядаги ресторанларини ёпган..

Сўнгги маълумотларига кўра, Бразилияда COVID-19 билан касаллланганлар сони 2 мингга яқинлашиб қолган, вафот этганлар сони эса 34 нафарни ташкил қилмоқда.