Италиялик шифокор Фабиано ди Марко Италияда коронавирус пандемиясининг кенг ёйилишига сабаб қилиб футбол учрашувини кўрсатди.
«19 февраль куни Бергамонинг 40 минг аҳолиси «Сан-Сиро» стадионида кечган «Аталанта»—«Валенсия» учрашувини томоша қилиш учун Миланга йўл олди. Улар автобус, машина, поездда йўлга чиқди ва бу афсуски, ҳақиқий биологик бомбага айланди», — дейди ди Марко.
Италияда кўпчилик шифокор ва мутахассислар Чемпионлар Лигаси 1/8 финал илк баҳсидан ўрин олган мазкур ўйин Италияда, хусусан Ломбардия ҳудудида коронавируснинг кенг ёйилишига сабаб бўлган деб ҳисобламоқда.
Италия фавқулодда ҳолатларни ўрганиш ва бартараф қилиш депортаменти — Protezione Civile ҳам мамлакатдаги аянчли вазиятга мазкур учрашувни сабабчи қилиб кўрсатмоқда.
Эслатиб ўтамиз, «Аталанта» 19 февраль кунги «Валенсия»га қарши баҳсни (4:1) Бергамода эмас, Миланда ўтказганди. Кейинчалик ҳар икки клубда ҳам коронавирусга чалиниш ҳолатлари кузатилди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)