UFC 13 нафар яккакурашчи билан шартномани бекор қилди.
Уларнинг ичида икки нафар россиялик жангчи ҳам бор — Майрбек Тайсумов ва Холид Муртазалиев.
Тайсумов 2014 йилдан буён UFC’да фаолият юритиб келарди. У шу вақтга қадар тўққиз жангда иштирок этиб, уларнинг еттитасида ғалаба қозонганди.
Муртазалиев эса бир бор октагонга чиқиб ғалабага эришган, бироқ кейинчалик унинг қон таҳлилидан допинг топилганди. Натижада лига Холид билан хайрлашиш қарорига келган.
Шунингдек, четлатилганлар рўйхатидан Дон Ҳюн Ма (3-5), Ченси Ренкаунтри (2-2), Кирил Аскер (2-3), Метю Лопес (2-4), Талита Бернарду (1-3) ва бошқа бир қатор спортчилар ўрин олди.
Изоҳ (0)