Ўзбекистонда коронавирусга қарши курашиш ишларига қарийб 5,5 минг нафар тиббиёт ходими жалб этилган. Мазкур ходимларни моддий ва маънавий қўллаб-қувватлаш мақсадида уларнинг ойлик маошига қўшимча 120 фоиз устама тўланади. Бу ҳақда Ўзбекистон Президенти Шавкат Мирзиёев 19 март, пайшанба куни, бўлиб ўтган йиғилишда кўрсатма берди.
Шунингдек, коронавирус тарқалишининг олдини олиш, шифохоналарни дори, ҳимоя ва диагностика воситалари билан таъминлаш, карантин харажатларини ўз вақтида молиялаштириш зарурлиги таъкидланди.
Мавзуга доир: Ўзбекистонда коронавирус сабабли юзага келадиган иқтисодий муаммоларга қарши курашиш учун 10 трлн сўм ажратилади (видео)
Ички ишлар вазирлиги ва Миллий гвардияга карантинга олинган фуқаролар назоратини таъминлаш юклатилди.
Мавзуга доир: Ўзбекистонда коронавирус тарқалишининг олдини олиш бўйича бир қатор профилактик чекловлар жорий этилади
Эслатиб ўтамиз, Шавкат Мирзиёев 18 март, чоршанба куни, бўлиб ўтган видеоселектор йиғилишида коронавирус бўйича халққа мурожаат қилганди. Айни пайтда Ўзбекистонда коронавирусга чалинганлар сони 23 кишини ташкил этмоқда.
Изоҳ (0)