«Аграр ва озиқ-овқат соҳаларини бошқариш тизимини янада такомиллаштириш чора-тадбирлари тўғрисида»ги Президент қарори қабул қилинди. Бу ҳақда «Ҳуқуқий ахборот» Telegram канали хабар қилган.
Қарор билан, бош вазирнинг аграр ва озиқ-овқат соҳаларини ривожлантириш масалалари бўйича ўринбосарининг асосий вазифалари белгиланди.
Бош вазир ўринбосари, жумладан, қишлоқ хўжалигини ривожлантиришнинг 2020—2030 йилларга мўлжалланган стратегиясида белгиланган ислоҳотларни самарали амалга оширишни таъминлайди.
Қарорда Бош прокуратура тузилмасида қишлоқ хўжалиги ва озиқ-овқат хавфсизлиги соҳасида қонун ҳужжатлари талабларига риоя этилиши ва уларнинг ижроси устидан назоратни амалга оширишга масъул этиб белгиланган янги:
- бош прокурор ўринбосари;
- Қорақалпоғистон Республикаси ва вилоятлар прокурорларининг ўринбосарлари;
- транспорт прокурорининг катта ёрдамчиси лавозимлари киритилди.
Бош прокуратуранинг Қишлоқ хўжалиги соҳасида қонунчилик ижроси устидан назорат бошқармаси Аграр ва озиқ-овқат соҳаларини ривожлантиришга оид қонунчилик ижроси устидан назорат бошқармаси деб қайта номланди.
Қарор билан, Ички ишлар вазирлиги Молия ва моддий-техника таъминоти бош бошқармаси вазирлик Молия ва моддий-техника таъминоти департаменти этиб қайта ташкил этилди.
Ҳужжатга кўра, туман ва шаҳар ҳокимлари ўз ҳудудидаги қишлоқ хўжалиги экин майдонларида ҳақиқий аҳволни ўрганиш учун «Давергеодезкадастр» ёки унинг ҳудудий бошқармаларига учувчисиз учиш аппаратларидан (дронлардан) фойдаланиш бўйича буюртма бериш ваколатига эга бўлди.
Мавзуга доир:
- Европа Иттифоқи Ўзбекистон қишлоқ хўжалигини ривожлантиришга 40 млн евро ажратди
- Ўзбекистонда ўзбошимчалик билан эгалланган ерларни аниқлашда Google Maps’дан фойдаланилаётгани қонунийми?
- Ўзбекистонда пахтага давлат буюртмаси бекор қилинди
- Ўзбекистонда лимон етиштириш учун субсидиялар ажратилади, 100 млн доллар инвестиция жалб қилинади
Изоҳ (0)