Brent ва WTI маркали нефть нархлари мос равишда 16 ва 30 фоизга ўсди. Brent нархи қарийб 29 долларгача кўтарилди, WTI эса баррель учун 26 долларга баҳоланган. Бу ҳақда «РИА Новости» хабар қилди.
Бозорда нефтга бўлган талаб коронавирус пандемияси туфайли кескин тушиб кетган, оқибатда нефть нархларининг пастга қараб қулаши кузатилди. Март ойи бошида ОПЕК+ келишувининг амалга ошмагани, бозорда саросима пайдо бўлишига сабаб бўлган.
ОПЕК келишуви ва унга кирмаган давлатларнинг ёқилғи ишлаб чиқаришни қисқартириши 2017 йил бошидан буён амалда эди. Шартнома бир неча марта узайтирилиб, унинг қоидалари ҳам ўзгарганди. 2019 йил апрелига қадар келишув доиарсида 2018 йил октябрь ойи билан солиштирганда нефть ишлаб чиқариш ҳажмини суткасига 1,2 миллион баррелга қисқартириш кўзда тутилганди, 2020 йил биринчи чорагида эса 1,7 баррелга қисқариши мўжалланганди.
Мавзуга доир:
Ушбу ҳодисадан кейин Саудия Арабистони нефть ишлаб чиқариш ҳажмини янада ошириш ниятини ошкор этди, мамлакат нефть нархини пасайтириб, Европадаги харидорларга чегирмалар билан сотиб олишни таклиф қилмоқчи. Бу дунё бозорларида нефть котировкаларининг икки баравар ёки ундан ҳам кўп пастлашига олиб келди.
Изоҳ (0)