Ангренда Nexia’ни олиб қочган 4 нафар шахс ЙТҲга учради, деб хабар бермоқда ИИВ Тергов демартаменти.
Маълум бўлишича, 12 март куни соат 00:00 да 19 ёшли Б.У. жиноий шериклари, 17 ёшли Д.П., 16 ёшли А.А. ва 15 ёшли А.Р. билан олдиндан жиноий тил бириктириб, Ангрен шаҳрида жойлашган автомашиналарни ювиш шохобчасига келган. 47 ёшли қоровул Х.И.га қараб туриш учун қолдириб кетилган, 50 ёшли Х.Ш.га тегишли Nexia калитини ундан яширинча ўғирлаб автомашинани олиб қочиб, ҳодиса жойидан яширинган.
Аммо Ангрен шаҳар Бирлик кўчасида Б.У. бошқарувни йўқотиб, йўл чеккасида жойлашган деворга олиб бориб урган. Тўқнашув натижасида ҳеч ким жароҳат олмаган.
Ҳолат юзасидан Ангрен шаҳар ИИБ ҳузуридаги Тергов бўлими томонидан Жиноят кодексининг 267-моддаси 2-қисми «б» банди (транспорт воситасини олиб қочиш) билан жиноят иши қўзғатилиб, автомашина олиб қочувчилар гумон қилинувчи тариқасида жалб қилиниб, ушланган.
Ҳозирда дастлабки тергов ҳаракатлари давом этмоқда.
Мавзуга доир: Ангренда дарёга тушиб кетган отлар қутқарилди (фото)
Изоҳ (0)