«Ипак йўли» АИТБ Нидерландиянинг «FMO» тараққиёт банки билан қиймати 15 миллион АҚШ долларига тенг кредит шартномасини имзолади

«Ипак йўли» акциядорлик инновацион тижорат банки Нидерландиянинг «FMO» (Financierings-Maatschappij voor Ontwikkelingslanden N. V.) тараққиёт банки билан ўзбек сўмига айирбошлаш имкониятини яратган холда умумий қиймати 15 миллион АҚШ долларига тенг кредит линияси ажратилиши тўғрисида шартнома имзолади. Мазкур шартнома банкга микро, кичик ва ўрта корхоналарни молиялаштириш соҳасидаги лойиҳаларни янада ортириш ва кенгайтириш, шунингдек, Ўзбекистонда энергия самарадорлигини оширишга ва қўллаб-қувватлашга йўналтирилган лойиҳаларни молиялаштириш имконини яратиб беради.

Ажратилган кредит маблағлари кредитлаш имкониятини ошириш ҳамда лойиҳаларни молиялаштириш учун тақдим этилади, жумладан:

- кичик корхоналарга;

- қишлоқ хўжалиги корхоналарига;

- тадбиркор аёлларга;

- 35 ёшгача бўлган ёш тадбиркорларга.

Шуни ҳам таъкидлаш лозимки, ушбу кредит линиясининг ўзига хос хусусияти шундаки, «FMO» банки энергия жиҳатдан самарадор ва экологик тоза лойиҳаларни молиялаштириш имкониятини яратиб беради.

Юқоридаги кўрсатмаларга қуйидаги лойиҳаларни ўз ичига олади:

- қайта тикланадиган энергия ускуналарини ишлаб чиқариш, сотиш ва ўрнатиш;

- эски турдаги ишлаб чиқариш ускуналарини замонавий энергия тежамкор ускуналар билан алмаштириш;

- кўмир, дизель ёки бензин истеъмол қиладиган эски турдаги ишлаб чиқариш ускуналарини сиқилган табиий газда ишлайдиган ускуналарга алмаштириш;

- сув истеъмолини оптималлаштириш;

- заҳарли саноат хом ашёсини экологик тоза ва қайта ишланган маҳсулотларга алмаштириш;

- бензин ва дизель двигателлари билан жиҳозланган автотранспорт воситаларини электр, гибрид ҳамда сиқилган табиий газ истеъмол қилувчи автотранспорт воситаларига алмаштириш;

- қишлоқ хўжалигидаги ерларни ифлосланишни олдини олиш, маҳаллий чорвачилик зотларидан фойдаланиш ҳамда маҳаллий ўсимлик экинларидан фойдаланишни рағбатлантириш бўйича тарғиб қилиш лойиҳалари;

- чиқиндиларни қайта ишлаш ва бошқариш ва бошқалар.

Бундан ташқари, шуни таъкидлаб ўтиш жоизки, «Ипак йўли» банки 2019 йил август ойида «FMO» банкидан қиймати 20 милллион АҚШ долларига тенг аналогик кредит линиясини жалб қилган, ва ўтган йил охирига келиб, ушбу кредит маблағлари ҳисобидан 300 дан ортиқ лойиҳаларни молиялаштириш ишлари олиб борилган, қолган кредит маблағлари жорий йилда қўлланилиши кўзда тутилган. «Ипак йўли» банки «FMO» банки билан 2013 йилдан буён муваффақиятли ҳамкорлик олиб бормоқда.

Реклама ҳуқуқи асосида.