Ўзбекистон Ташқи ишлар вазирлиги мамлакатнинг Франция, Испания ва Буюк Британияда бўлиб турган ёки мазкур давлатларга боришни режалаштираётган фуқароларига мурожаат қилди.
Вазирликнинг маълум қилишича, «дунёда COVID-19 коронавируси билан боғлиқ ҳолатнинг оғирлашиши, Жаҳон соғлиқни сақлаш ташкилоти томонидан пандемия эълон қилиниши муносабати билан» Ўзбекистонга коронавируснинг кириб келиши ва тарқалишининг олдини олиш бўйича чора-тадбирлар дастурини тайёрлаш бўйича республика махсус комиссияси қарор чиқарган.
Унга кўра, 14 мартидан бошлаб Ўзбекистон билан Франция, Испания ва Буюк Британия ўртасидаги барча авиақатновлар тўхтатилди, Хитой, Жанубий Корея, Италия, Эрон, Франция ва Испания фуқаролари ва ушбу давлатларда доимий яшовчи фуқаролиги бўлмаган шахсларнинг Ўзбекистонга барча турдаги чегара ўтказиш пунктлари орқали кириб келиши ҳам вақтинча тўхтатилди.
Мавзуга доир: Ўзбекистон 14 мартдан бошлаб Франция, Италия ва Британия билан авиақатновларни тўхтатади
Маълумот учун: 14 март ҳолатига кўра, Хитойда 80 973 та, Жанубий Кореяда 8 086 та, Италияда 17 660 та, Эронда 12 729 та, Испанияда 5 232 та, Буюк Британияда 801 та касалланиш ҳолати қайд этилган. Шундан Хитойда 3 193 киши вафот этган, 65 655 киши соғайган, Жанубий Кореяда 72 киши вафот этган, 510 киши соғайган, Италияда 1 266 киши вафот этган, 1 439 киши соғайган, Эронда 611 киши вафот этган, 2 959 киши соғайган, Испанияда 133 киши вафот этган, 193 киши соғайган, Буюк Британияда 10 киши вафот этган, 18 киши соғайган.
Ўзбекистоннинг Париждаги элчихонаси (Ишчи гуруҳ):
Фурқат Қодиров, сиёсий масалалар бўйича маслаҳатчи, +33187866491сиёсий масалалар бўйича маслаҳатчи, консуль, биринчи котиб, +33153300355Шавкат Тошев, учинчи котиб, +33153300354Сардор Салимов, атташе, +33187866490Отабек Ўнгбоев, Uzbekistan Airways’нинг Париждаги вакили, +33145224550
Ўзбекистоннинг Мадриддаги элчихонаси: +34 91 3101639
Ўзбекистоннинг Лондондаги элчихонаси: +44 207-2297679, +44 871-468-1100
Маълумот учун, шу кунгача Ўзбекистонда коронавирус билан касалланиш ҳолати қайд этилмади. Ўзбекистон фуқароларининг коронавирус юқтириб олиши билан боғлиқ ягона ҳолат эса Жанубий Кореяда аниқланган.
Изоҳ (0)