Хоразм вилоятининг Ҳазорасп ва Янгибозор туманларида 14 март куни ҳудудий кенгашларнинг навбатдан ташқари сессиясилари бўлиб ўтди, дея хабар бермоқда вилоят ҳокимлиги матбуот хизмати.
2018 йилдан бери вилоятнинг Янгибозор туманига ҳокимлик қилиб келган Ўктам Машарипов Ҳазорасп тумани ҳокими этиб тасдиқланди.
Янгибозор тумани маъмурияти раҳбарлигига Ўктамбой Қурбонов тайинланган. У 2018 йилдан бери вилоят ҳокимининг қишлоқ ва сув хўжалиги масалалари бўйича ўринбосари сифатида ишлаб келаётган эди.
Аввалроқ Хоразм вилоятининг Янгиариқ туманига ҳам янги ҳоким тасдиқлангани ҳақида хабар берилган эди. Ушбу ўзгаришлар Президент Шавкат Мирзиёевнинг Хоразмга сафаридан сўнг юз бермоқда.
Изоҳ (0)