Ёки ўз вазифаси ва қадриятларига эга бўлган компанияда нималар содир бўлиши ҳақидаги ҳикоя
Агар компания жамоаси жуда мураккаб, амалда бажариш имконсиз бўлган ишни бажаришга киришса, раҳбарият эса нафақат ёрдам кўрсатибгина қолмай, балки муваффақиятга эришиш жараёнида бевосита иштирок этса нима бўлади? Катта эҳтимол билан, вазифа бажарилади! Чунки, умумий мақсадлар ва қадриятлар мавжуд бўлган жойда доимо ўзаро ёрдам, қўллаб-қувватлаш ва ҳар кимда имкон қадар кўпроқ ўз ҳиссасини қўшишга хоҳиш бўлади.
Буларнинг барчаси HM Partners компаниялар гуруҳининг HR-бўлими томонидан ташкил этилган бизнес-ўйин орқали намойиш этилди. Кўприк қурилиш қатнашчилари нафақат ҳар қандай ишни бажаришда бир-бирларига ёрдам бериш ва қўллаб-қувватлашнинг, балки муваффақиятли алоқаларни ўрнатиш ва шахсий интилишларини компаниянинг мақсадлари билан бирлаштириш ҳам нақадар муҳимлигини тушуниб етишди.
- «Биз мунтазам равишда корпоратив тадбирлар – тақдимотлар, семинарлар, тренинглар ва шу кабиларни ўтказамиз. Улар бутун компаниянинг корпоратив руҳи ва маданиятини мустаҳкамлашга, ходимларни бирлаштиришга ёрдам беради», – дейди HM Partners’нинг HR-директори Гавҳар Сафаева. – Аммо бу сафар биз барчага максимал даражада ҳаракат қилишга имкон берган ва ҳамма учун умумий ишга дахлдорликни ҳис қилиш имкониятини берган янги форматдан фойдаланишга қарор қилдик.Ўйинда Ўзбекистон ва бутун дунёдаги тадбиркорларни бирлаштирадиган ишончли кўприкни қуриш керак бўлди ва шу ўйинда барча ҳамкор компанияларнинг ходимлари қатнашдилар.
– Бу холдингнинг компанияларини жипслаштиришга ёрдам берди. Топ-менежерлар ўзларини оддий ходимлардек ҳис эта олишди, биз ҳаммамиз катта аҳил жамоа бўлдик, – дейди CLG йўналиши раҳбари Дилшод Жўраев.Кўприкни «қуриш»даги асосий устунлар, унинг асосий таркибий қисмлари HM Partners’нинг қадриятлари – ҳалоллик ва масъулиятлилик, натижага интилиш ва бунинг учун ишлаш, ҳаёт сифатини яхшилаш, доимий ўсиш ва ривожланиш бўлди. Бу эса, HM Partners учун шунчаки сўзлар эмас, балки аниқ мақсадлар ва натижалар, бу ходимлар учун ишлаб чиқилган ижтимоий дастурлар, кўмакка муҳтож бўлганларни қўллаб-қувватлашдир.
– Қадриятлар компаниянинг қаерга қараб ҳаракат қилиши ва ўсиши, жамоада қандайдир вазифани ҳал қилишда нималарга таяниши ва умуман компания ходимидан нимани кутиши ҳақидаги аниқ тушунчаларни ўзида мужассам этади, – деб таъкидлайди, «Ground Zero Китоб олами» филиали раҳбари Дилбар Баҳодирова.
Шундай қилиб, ходимларни ривожлантириш – бу ходимларни бошқаришнинг энг муҳим таркибий қисмидир. Ҳар йили HM Partners маркетинг ва реклама соҳасида бошқарувчилар, савдо менежерлари ва бошқалар учун бошқарув ходимларининг малакасини ошириш бўйича тренинглар ташкил этади. Бунинг ёрдамида ходимлар ўсиши, янги касбий чўққиларни забт этишлари мумкин.
Бутун жамоа иш жараёнига жалб қилинган бўлиши ва натижага йўналтирилган бўлиши муҳимдир. Шу мақсадда компанияда ҳар бир ходим ва унинг бошқарувчиси фаолиятининг самарадорлигини кўриб чиқишга имкон берадиган ходимларнинг фаолиятини баҳолашнинг KPI (Key Performance Indicators) тизими жорий қилинганига 5 йилдан ошди. Шунингдек ходимларнинг компетенцияларини баҳолаш ҳам амалга оширилади, бу баҳолашдан кўзланган мақсад бир томондан компаниядаги мавжуд инсон ресурсларини аниқлаш ва улардан унумли фойдаланиш ва бошқа томондан ходимларнинг яширин истеъдодларини аниқлашдир.
– Компаниянинг вазифалари ва қадриятларини билиш ходимларга уларнинг шахсий манфаатлари ва ҳаётдаги мақсадлари компания қилаётган иш билан мос келадими ёки йўқлигини тушунишга, уларни жамоа билан бўлишишга ва шу тариқа ташкилот ичида ва ташқи шериклар ва мижозлар билан ўзаро алоқада бўлганда ўзларини қулай ҳис қилишларига имкон беради, – дейди HM Partners’нинг бош ижрочи директори (CEO) Дониёр Алимов.
— Вазифалар ва қадриятлар ходимларнинг ўсиши ва ривожланишига ёрдам бериши жуда муҳимдир. Мана, масалан, бизнинг компаниямизда ички тадбиркорлик дастури мавжуд. Агар ходимлардан бири ўзининг бизнес ғоясига эга бўлса, у бизнес-лойиҳа тайёрлаши ва у билан директорлар кенгаши олдида чиқиш қилиши мумкин ва унинг лойиҳаси агар тасдиқланса, янги қўшма лойиҳалар пайдо бўлади.
— Миссия — бу бизнеснинг нимага мўлжаллангани, унинг асосий мақсадини акс эттирувчи бизнес тушунчасидир. У ташкилот ҳозирги пайтда нима учун мавжудлигини белгилайди. Ташкилотнинг ҳар бир ходими ушбу вазифани шакллантиришга қодир бўлиши керак », – дейди мафкуравий илҳом берувчи, ўйин техникаси мураббийи ва ўйин фасилитатори Оксана Новоженина.
— Бизнес ҳар доим самарадорликка эга бўлишни талаб қилади. Бозор шароитида самарали бўлиш учун рақобатда устунликка эга бўлиш керак. Ва бу ерда бизга корпоратив қадриятлар ёрдамга келади, улар компаниянинг ДНКси сингари, сизнинг бизнесингизни рақобатчилардан ажралиб туришига ёрдам беради.
Корпоратив қадриятлар компанияда, жамиятдаги ахлоқ билан бир хил вазифани бажаради: уларнинг яшашига ва ривожланишига имкон беради. Улар қарорлар қабул қилиш учун қўлланма бўлиб хизмат қилади ва ходимларга улар учун масъулиятни ўз зиммасига олишга ёрдам беради, савдо-сотиқ ва маркетинг стратегияларидан тортиб мижозларга хизмат кўрсатиш ва иш берувчининг брендигача бизнеснинг барча жабҳаларига таъсир кўрсатади.
HM Partners ўз миссияси сифатида Ўзбекистон ва дунёнинг бошқа мамлакатлари тадбиркорлари манфаатларини бирлаштирувчи кўприк вазифасини бажаришни ўз зиммасига олганлиги сабабли компания ходимлари учун мазкур тимбилдинг лойиҳасини яратиш ғояси пайдо бўлди. Биз ўз ишбилармонларимизнинг манфаатларини бошқа давлатлар ишбилармонлари билан ишончли боғлайдиган айни ўша кўприкни қурдик. Бу жамоавий «қурилиш» жадал ва қувноқ муҳитда бўлиб ўтди, аммо айни пайтда ҳар бир ходим умумий иш учун ўзлари қўшаётган ҳиссаларининг муҳимлигини ҳис қила олди. Агар жамоада умумий мақсадлар бўлса, унда ҳар қандай, ҳатто энг қийин вазифа ҳам ҳал қилинади!
«HM Partners» ва ушбу компаниялар гуруҳидаги карьера имкониятлари ҳақида кўпроқ маълумот:
Telegram: t.me/vakansii_hmp.ме
Facebook: facebook.com/hmpartners.uz
Реклама ҳуқуқи асосида.
Изоҳ (0)