Профессионал бокс бўйича бешта вазн тоифасидаги собиқ Жаҳон чемпиони кичик Флойд Мейвезер Англиянинг «Ньюкасл» футбол клубини сотиб олиш истагини билдирди.
Мейвезер «Ньюкасл» мухлислари билан бўлиб ўтган учрашувдаги суҳбат жараёнида клубни сотиб олиш имконияти ҳақида гапирди.
«АҚШда бу спорт турини соккер деб атаймиз. «Ньюкасл» ҳам ажойиб жамоа. Агар бу жамоани сотиб олишимни истасангиз, менга бу ҳақда айтинг», — дейди Мейвезер.
Кейинроқ боксчининг вакилларидан бири Флойд клубни сотиб олишга қизиқиш билдираётганини тасдиқлаган.
Эслатиб ўтамиз, «Ньюкасл» клуби Майкл Эшлига тегишли бўлиб, англиялик миллиардер уни 2017 йилнинг май—июнь ойларида сотиб олганди. Бу вақт ичида жамоа бирорта ҳам соврин ютмади (Чемпионшипдаги ғолибликдан ташқари).
«Ньюкасл» Англия Премьер Лигаси 29-туридан сўнг 35 очко тўплаган ҳолда 13-ўринда бормоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)