Қорақалпоғистон Республикаси Нукус шаҳридаги «Телецентр« ОФЙ ҳудудидан ўтган ички автомобиль айланма йўлида 9 март, душанба куни, соат 09:00 да йўл-транспорт ҳодисаси юз берди. Бу ҳақда Ўзбекистон Ички ишлар вазирлиги Йўл ҳаракати хавфсизлиги бош бошқармаси хабар берди.
Маълум қилинишича, ҳайдовчи К.Х. FN 953 Lobol русумли тракторни бошқараётиб, чап томонга бурилаётган вақтида ушбу йўналишда унинг ортидан келаётган Nexia тракторнинг ковушига урилган.
ЙТҲ натижасида Nexia ҳайдовчиси ва йўловчиси воқеа жойида вафот этган. Nexia автомашинаси эса ёниб кетган.
Мазкур ҳолат юзасидан суриштирув ишлари олиб борилиб, вафот этган фуқаролар шахсига аниқлик киритилмоқда.
Аввалроқ Қозоғистонда 26 нафар ўзбекистонлик бўлган автобус ағдарилиб кетган эди. Ўзбекистонда 2020 йилнинг икки ойи ичида содир бўлган ЙТҲларда 265 киши ҳалок бўлди.
Изоҳ (0)