7 мартдан бошлаб Тошкентнинг 52-автобус йўналиши (Бешёғоч—Юнусобод) бўйлаб Хитойнинг Yutong электробуси синов тариқасида қатнай бошлади. Бу ҳақда «Тошшаҳартрансхизмат» матбуот хизмати хабар берди.
Ишлаб чиқарувчи томонидан тақдим этилган маълумотга кўра, ZK6128BEVG моделидаги мазкур электробус 215 к/ватт билан ҳаракатланади. Бир марта олинган қувват билан 300 километрдан ортиқ масофани босиб ўтади. Электробус салони 5 та кузатув камераси ҳамда монитор билан жиҳозланган. Бундан ташқари, двигатель қисмига ёнғинга қарши автомат тарзда ишловчи ускуна ўрнатилган. Шунингдек, кондиционер, иситиш тизими билан таъминланган. 12 метр узунликдаги мазкур электробус ўртача 70 нафар йўловчига мўлжалланган.
Мазкур электробус Ўзбекистон иқлим шароитида автобус йўналишларида бир неча ой давомида синовдан ўтказилади.
Мавзуга доир: Тошкентда 450 минг долларга харид қилинган биринчи электробус ҳаракатланишни бошлади (видео)
Изоҳ (0)