Қашқадарёнинг Чироқчи туманида мол ўғрилигида гумон қилинган 32 ёшли Юсуф Абдураҳмонов 22 январь куни ИИБ ходимлари томонидан калтакланиши оқибатида вафот этган эди. Ҳодисадан сўнг Чироқчи ИИБнинг икки нафар ходими қўлга олингани ҳақида хабар берилган эди.
Марҳум Юсуф Абдураҳмоновнинг акаси Шуҳрат Абдураҳмоновнинг «Дарё» мухбирига маълум қилишича, унинг укаси билан бир кунда ИИБ ходимлари томонидан аёвсиз калтакланган ота-бола — Қурбон Остонаев ва Баҳром Авлиёқулов 1 март куни Чироқчи прокуратурасига чақирилган.
Аёвсиз калтакланган ота-болага терговчилар томонидан 60 га яқин ИИБ ходимининг сурати кўрсатилган. «Улар кўрсатилган расмлардан 13 нафар ходимни таниган. Вилоят прокуратурасидан Илҳом исмли терговчи ўша 13 нафар ИИБ ходими ҳам терговга жалб қилинишини айтган», — деди марҳумнинг акаси.
Эслатиб ўтамиз, Чироқчи ИИБдаги шов-шувли воқеадан сўнг Қашқадарё вилояти ИИБ ўринбосари виждони қийналиб ишдан кетган, қамоққа олинган икки нафар ИИБ ходимидан бири эса Чироқчи туман Ички ишлар органлари фаолиятини мувофиқлаштириш бошқармаси 4-сон ИИБ бошлиғи экани айтилган эди.
Мавзуга доир:
- Қашқадарёда мол ўғрилигида гумон қилинган эркак ИИБ ходимлари томонидан калтакланиши оқибатида вафот этгани айтилмоқда
- Чироқчида бир неча ИИБ ходими қамоққа олинди. Улар одам ўлдиришда гумон қилинмоқда
- «‘Участкавой’ларингни қутқариб қолсаларинг, ургани йўқ десаларинг, рози қилади». Чироқчилик ИИБ ходимлари қотилликни яшириш учун гувоҳларнинг оғзини ёпишга уринган
- «Чироқчи воқеаси» ортидан вилоят ИИБ бошлиғи ўринбосари ишдан кетди
- «Чироқчи воқеаси» бўйича қамоққа олинганлардан бири ИИБ бошлиғи эканлиги айтилмоқда
Изоҳ (0)