«Ўзгидромет»нинг хабар беришича, 2 март, душанба куни, мамлакатнинг барча ҳудудида об-ҳаво баҳорий — илиқ ва қуёшли бўлди. Туркманистон ҳудудидан кирган ҳаво оқими ҳароратнинг кўтарилишига олиб келади, кундузи ҳарорат 20-25 даража илиқни ташкил этди, бу меъёрий қийматлардан 9-11 даражага юқоридир.
Йақин икки кун давомида республика ҳудудига Каспий денгизи жанубий туманларидан ҳаракат қилаётган булутлар ҳисобига ҳарорат бир оз пасаяди. Мамлакат бўйича ёғингарчиликсиз об-ҳаво сақланиб туради. Фақат 4 март, чоршанба куни, Қашқадарё, Сурхондарё вилоятлари, кечга бориб эса Самарқанд вилоятида ёмғир ёғиши мумкин. 3—4 мартда республика бўйича шамолнинг тезлиги секундига 15-20 метргача кучайиши кутилмоқда.
5 март, пайшанба куни, Каспий денгизи шимолий ҳудудидан Ўзбекистонга нам ва салқин ҳаво оқимининг кириши кутилмоқда, бу ҳаво ўзи билан ёмғир ва салқин олиб келади. Фақат республиканинг шимоли-ғарбий туманларида ёғингарчилик бўлмайди. Ҳарорат кечаси 2-7 даража илиқ, кундузи 7-12 даража илиқ атрофида бўлади.
Иш ҳафтасининг охирида ёғингарчилик бўлиши кутилмаяпти, совуқ ва нам ҳаво оқими таъсирида ҳарорат кечаси 0-5 даража илиқ, кундузи 7-12 даража илиқ бўлади.
Изоҳ (0)