2 март, душанба куни, пойтахтнинг Сергели туманида 2 та янги умумтаълим мактабининг очилиш маросими бўлиб ўтди. Бу ҳақда Тошкент шаҳар ҳокимлиги матбуот хизмати хабар берди.
Ушбу маросимда Тошкент шаҳар ҳокими Жаҳонгир Ортиқхўжаев, Тошкент шаҳар ХТББ бошлиғи А.Мамажонов, Сергели тумани ҳокими Бахтиёр Шомуродов, давлат ва жамоат арбоблари ҳамда ОАВлари вакиллари қатнашди. ОАВ вакиллари, журналист ҳамда блогерлар учун мазкур тадбир муносабати билан пресс-тур ташкил этилди.
Шаҳар ҳокими тошкентликларни, хусусан, Сергели туманидаги янги мавзе аҳолисини ушбу янги 329 ва 330-умумтаълим мактабларининг очилиши билан самимий табриклади. Бу ўқув даргоҳлари қурилишдаги янги технологиялар ва замонавий талаблар асосида 10 ой муддатда қуриб битказилганлигини, уларга безак бериш ҳамда жиҳозлашда ҳам янгича фикр ва қарашларга асосланганлигини айтиб ўтди.
Янги мактабларнинг ҳар бири 4 қаватли бўлиб, 48 та синф хонасига эга, қуввати 1680 ўринга мўлжалланган. Алоҳида спорт зал, фаоллар зали, ошхона, шунингдек, футбол майдонига эга.
Формулалар, теоремалар, фанларга доир муҳим қоидалар, эркин муҳит, албатта, ўқувчиларнинг таълимга бўлган қизиқиши ва интилишини ошириши шубҳасиз, дейилади хабарда.
Изоҳ (0)