Apple асосчиси Стив Жобснинг беваси, хайрия ишлари билан шуғулланувчи Лорен Пауэлл Жобс эрининг ўлимидан кейин ўзига қолган кўп миллиардлик меросни фарзандларига қолдирмайди. Лорен бу ҳақда The New York Times’га берган интервьюсида маълум қилган.
Лорен Пауэлл Жобснинг сўзларига кўра, у улкан бойликни бир вақтлар Рокфеллерлар оиласида бўлгани каби бир оиланинг ихтиёрида бўлиши нотўғри. Стив Жобс ҳам ўз олдига ҳаммадан бой бўлиш мақсадини қўймаган. Лорен Пауэлл эридан қолган меросни кам таъминланган инсонларга кўпроқ фойдаси тегиши учун хайрия ишларига сарфламоқчи.
«Узоқ умр кўрадиган бўлсам, бойлигим ҳаётим билан бирга тугайди», — деди у.
Лорен Пауэлл Жобс фарзандлари ҳам Стивдан қолган мерос масаласида онасининг хоҳишини қўллаб-қувватлаши ва хайрияга қарши эмаслигини билдирган.
Лорен Пауэлл Жобс 2004 йилда таълим ва маданий лойиҳаларни қўллаб-қувватлайдиган Emerson Collective хайрия ташкилотига асос солган. Стив Жобснинг ўлимидан кейин у бу мақсадларга янада кўпроқ пул сарфлади. Apple асосчисининг беваси Microsoft асосчиси Билл Гейтс ва унинг рафиқаси Мелинда, инвестор Уоррен Баффетт, Facebook асосочиси Маркс Цукерберг ҳамда Россиянинг энг бой одамларидан бири ҳисобланувчи, «Норникеля» эгаларидан бири Владимир Потанин иштирокчиси бўлган The Giving Pledge фондига қўшилмаган.
Bloomberg миллиардерлар рейтингига кўра, Лорен Пауэлл Жобснинг бойлиги 24 миллиард доллар атрофида. У дунёнинг энг бадавлат инсонлари рейтингида 38-ўринда туради. Жобс билан никоҳидан уч нафар фарзанди — ўғли Рид, қизлари Эрин ва Ева бор.
Изоҳ (0)