Профессионал бокснинг супер ярим ўрта (-69,85 кг) вазн тоифасида ҳаракат қилаётган Исроил Мадримов (4-0, 4 КО) 1 март тонгида АҚШда навбатдаги жангини ўтказади.
Мадримов Техас штатида бўлиб ўтадиган бокс кечасида венесуэлалик Чарли Наваррога (29-9, 22 КО) қарши рингга кўтарилади. Жанг 10 раунддан иборат бўлади. Ушбу беллашув ғолиби WBA чемпионлик камари учун биринчи рақамли даъвогарга айланади.
Мазкур жанг оқшоми тонгги соат 05:00 да бошланади. Исроил эса соат 05:00—06:00 орасида рингга кўтарилади.
Эслатиб ўтамиз, Мадримов сўнгги бор октябрь ойида мексикалик Алехандро Баррерани (29-6, 18 КО) техник нокаутга учратиб, WBA Intercontinental чемпионлик камарини биринчи марта ҳимоя қилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)