O‘zbekiston Respublikasi Prezidentining 2019-yil 27-dekabr kuni mamlakat yoshlari bilan o‘tkazgan uchrashuvi davomida yoshlarni madaniyat va san’at, jismoniy tarbiya va sportga keng jalb qilish, aholi va yoshlar o‘rtasida kompyuter texnologiyalari va internetdan samarali foydalanish, yoshlar ma’naviyatini yuksaltirish, ular o‘rtasida kitobxonlikni targ‘ib qilish, hududlarda tikuv-trikotaj mahsulotlari ishlab chiqarishni tashkil etish va xotin-qizlar bandligini ta’minlashdek 5 ta muhim tashabbusni ilgari surgan edi.
Yuqoridagi tashabbuslardan kelib chiqib, yoshlar bilan ishlash bo‘yicha samarali ishlarni tashkil etish maqsadida “Hududiy elektr tarmoqlari” aksiyadorlik jamiyati rahbariyati tomonidan “Farg‘ona hududiy elektr tarmoqlari korxonasi” AJ tizimida mehnat qilayotgan yoshlar bilan uchrashuvi o‘tkazildi.
Uchrashuvda “Hududiy elektr tarmoqlari” AJning boshqaruv raisi o‘rinbosari R.O.Raimov viloyatning energetika sohasida mehnat qilayotgan yosh xodimlar bilan alohida ishlashning samarali tizimini yo‘lga qo‘yish lozimligi ta’kidlab, ularni yetuk mutaxassis va yuksak ma’naviyatli inson qilib tarbiyalash borasida chora–tadbirlar belgilash lozimligini aytib o‘tdi.
Uchrashuv davomida tizimda mehnat qilayotgan yoshlarning qiziqishlari, kelajakdagi rejalari, hayotdagi maqsadlari haqida suhbatlashildi.
Tadbir so‘ngida “Hududiy elektr tarmoqlari” AJning boshqaruv raisi o‘rinbosari R.O.Raimov tomonidan tizim tarkibida mehnat qilayotgan yosh xodimlarning mehnat sharoitlarini yaxshilash, ularni har tomonlama qo‘llab–quvvatlash, yoshlar o‘rtasida sog‘lom muhit yaratish, kelajak faoliyatlariga keng yo‘l ochib berish borasida tegishli tavsiya hamda ko‘rsatmalar berib o‘tildi.
“Farg‘ona hududiy elektr tarmoqlari korxonasi” AJ matbuot xizmati
Reklama huquqi asosida.
Izoh (0)