Brent ва WTI маркаларидаги нефть нархи кетма-кет олти кундан бери пастламоқда. Ҳафта бошидан бери нарх 14 фоизга пасайди ва бу 2011 йилдан бери кузатилган энг катта нарх қулашидир, дея «Интерфакс»га таяниб Meduza хабар бермоқда.
Brent маркасидаги бир баррель нефтнинг май ойи учун фьючерслари нархи 28 февралдаги биржа савдолари чоғида 3,5 фоизга пастлаб, 49,93 долларни ташкил этган. Кун давомидаги энг паст кўрсаткич 49,56 долларни ташкил этган — Brent сўнгги бор 2017 йил июлида шундай нархда сотилган эди, деб ёзмоқда «РБК».
WTI маркасидаги бир баррель нефтнинг апрель ойи учун фьючерслари нархи эса 4 фоизга пасайиб, 45,22 долларни ташкил этди, деб ёзмоқда «Интерфакс».
«Халқаро бозорда нефтга бўлган талабнинг пасайиши билан боғлиқ қўрқув жаҳон жамоатчилигини қамраб олган, бу эса маҳсулотнинг арзон баҳода кўплаб сотилишига сабаб бўлмоқда», — дейди «Велес Капитал» таҳлилчиси Елена Кожухова.
Изоҳ (0)