Бош прокуратура ҳузуридаги Департаментнинг Урганч шаҳар бўлими томонидан ўтказилган терговга қадар текширувда, International Job Organization хусусий бандлик агентлигининг Хоразм вилояти филиали директори Ғ.Х. бир неча фуқароларнинг ишончига кириб, уларни Германия ва Польшага ишга юбориш важи билан жами 193,2 миллион сўм пулларини фирибгарлик йўли билан қўлга киритиб, ўз эҳтиёжлари учун ишлатиб юборганлиги аниқланган.
Шунингдек, Департаментнинг Андижон вилояти бошқармаси томонидан ўтказилган тезкор тадбирда фуқаро Э.Т. фуқаро Х.А.ни Польшага ишга юбориш эвазига 600 долларни International Job Organization хусусий бандлик агентлигининг Андижон вилояти филиали биносида олган вақтида ашёвий далил билан ушланган.
Ушбу ҳолат юзасидан ўтказилган терговга қадар текширувда аниқланишича, International Job Organization хусусий бандлик агентлигининг Андижон вилояти филиали менежери Э.Т. ва бошқалар фуқароларни 45 кун муддат ичида чет элга ишга жўнатишга ишонтириб, 2019 йилда беш нафар фуқаронинг 33,1 миллион сўм нақд пулларини фирибгарлик йўли билан қўлга киритганлиги аниқланган.
«Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда», — дея хабар бермоқда Бош прокуратура матбуот хизмати.
Изоҳ (0)