Жанубий Кореяда коронавирус инфекциясидан еттинчи фуқаро вафот этди. Бу ҳақда 24 февраль, душанба куни мамлакат Соғлиқни сақлаш вазирлиги ҳузуридаги Касалликлар назорати ва профилактикаси маркази маълум қилди, дея хабар бермоқда «ТАСС».
Марказ маълумотларига кўра, вирусни юқтириб олганлар сони 161 нафарга кўпайиб, 763 нафарга етган. Аввалроқ мамлакат расмийлари коронавирус инфекцияси 602 нафар беморда аниқлангани, улардан олти нафари вафот этганини маълум қилган эди.
Сўнгги бир неча кундан бери Жанубий Кореяда коронавирус билан касалланиш ҳолати авж олмоқда. Шу муносабат билан ҳукумат якшанба куни мактабларда ўқув йилининг бошланишини бир ҳафтага — 9 мартгача кечиктиришга қарор қилди.
Мавзуга доир:
Изоҳ (0)