Хитойда коронавирус сабаб жорий этилган энг юқори фавқулодда ҳолат даражаси пасайтирилди. Бу ҳақда маҳаллий ҳукумат баёнотига таяниб, «РИА Новости» хабар берди.
24 январдан бошлаб Хитойнинг деярли барча ҳудудида эпидемия сабаб энг юқори фавқулодда ҳолат режими жорий этилганди. Қоидага кўра, биринчи даража аҳолининг соғлиғи билан боғлиқ фавқулодда вазиятларда эълон қилинади ва маҳаллий ҳукумат Хитой Давлат кенгаши ва марказлаштирилган штабнинг режасига биноан иш тутади.
Гуандун ва Шаньси провинцияларининг баёнотига кўра, ҳозирда фавқулодда ҳолат режими II даражага туширилган бўлса, Ляонин, Гуйчжоу, Юньнан ва Ганьсу провинцияларида — III даража.
Хитойнинг 21 та минтақаси ҳудудида 22 февраль ҳолатига кўра, бирорта ҳам коронавирус билан касалланган янги бемор аниқланмаган.
Мавзуга доир:
Изоҳ (0)