Лондонда Huawei маҳсулотлари ва ечимларининг тақдимоти бўлиб ўтди ва унда Huawei директорлар кенгаши ижрочи директори ва Carrier BG президенти Райан Дин «5G янги қадриятларни яратмоқда» номи остидаги маърузаси билан чиқиш қилди. Тадбир доирасида Huawei компаниясининг 2020 йилда чиқариладиган янги маҳсулотлари ва ечимлари тақдим этилди ва «5G инновацион ҳамкорлик дастури» ишга туширилди. Мазкур саъй-ҳаракатлар тобора ривож олаётган 5G экотизимини яратишга ва бешинчи авлод технологияларининг тижорат муваффақиятларини таъминлашга қаратилган.
Райан Дин «5G янги қадриятларни яратмоқда» номи остидаги маърузаси
Райан Дин ўз нутқида 5G’нинг ривожланиши уни кенг ёйиш, экотизим ва тажриба нуқтаи назаридан барча кутилган натижаларни ортда қолдирганини, тармоқлар эса, 5G асосидаги бизнеснинг ривожланиши учун асос ҳисобланишини таъкидлади. Бугунги кунга келиб, Huawei компанияси 5G технологияси соҳасида 91 та тижорат шартномасини тузди ва 600 000 дан ортиқ фаол Huawei Massive MIMO AAU 5G антенна тизимларини етказиб берди. Дунёнинг етакчи 5G таъминотчиси сифатида, Huawei компанияси, энг яхши мажмуавий 5G ечимларини ишлаб чиқишга, барча дастурлар учун соҳадаги энг юқори кўрсаткичларга эга 5G таянч станцияларини етказиб бериш ва саноатнинг энг юқори даражадаги интеграциясига эга бўлган Blade AAU’ларни етказиб беришга интилмоқда. Blade AAU 6 GGs дан паст бўлган барча частота диапазонида ишлай олади ва 2G, 3G, 4G ва 5G тармоқларини қўллаб-қувватлайди. Бу нафақат антеннани ўрнатиш учун чекланган майдон муаммосини ҳал қилади, балки мавжуд ечимлар билан солиштирганда мулкнинг умумий қийматини (ТCО) 30% дан ҳам кўпроққа пасайтиради. Шу билан бирга, Huawei компанияси вертикал иловалар учун саноат соҳасидаги 5G модулларини етказиб берувчилари орасида соҳада биринчи ўринда туради.
4G даврида одамлар ўзларининг видеолари ва овозли хабарларини ўзаро баҳам кўришлари мумкин. Бироқ, 5G тақдим этаётган юқори даражадаги узатиш имконияти туфайли одамлар AR ва BR’нинг ажойиб тажрибасидан баҳраманд бўлишлари мумкин ва бу уларга ўзларининг фикрлари ва ҳис-туйғуларини аввалгиданда яхшироқ даражада етказишга имкон беради. 5G’нинг бу ажойиб тажрибаси ақл бовар қилмайдиган янги қийматни яратади. Мобил кенг йўлли 5G (eMBB) Ultra HD-Video алоқасининг ривожланиши билан B2C 5G-хизматларининг оммавий ривожланиши юзага келади. B2C 5G-хизматлари ҳам катта имкониятларни намойиш этди. Huawei баъзи операторлар билан биргаликда «5G оқ китоби»ни чиқарди ва кўплаб соҳаларда 5G иловаларини жорий этиш учун B2B иловаларини тадқиқ қилди. Матбуот анжуманида Райан Дин томошабинларга теле-эшиттирув оператори учун жонли эфирни сезиларли даражада соддалаштирадиган, ўрнатилган 5G модулли рюкзак кўринишидаги инновацияни намойиш этди.
Райан Дин 4G даврида деярли барча операторлар тармоқда бир хил иш тажрибасини таъминлаганлигини таъкидлади. Бироқ, 5G даврида операторлар катта миқдордаги кўрсаткичларга, шу жумладан маълумотлар ҳажми, кутиш вақти, узатиш қобилияти ва уланган қурилмалар сони каби кўрсаткичларга асосланиб, фойдаланувчилар учун турли хил тажриба тақдим этишлари ва хизматларни турлича нархлашлари мумкин. Бу 5G тармоғи ёрдамида кўпроқ даромад олишга имкон беради ва операторларни ҳозирданоқ ўзларининг 5G бизнес моделларини қайта кўриб чиқишларига ундайди.
Huawei ва унинг глобал ҳамкорлари кўплаб соҳаларни, жумладан медиа соҳаси, кампус ечимлари, соғлиқни сақлаш ва таълим соҳасини қамраб олган 5G лойиҳалари устида ишламоқдалар. Конференцияда Райан Дин соҳадаги ҳамкорлари иштирокида «5G инновацион ҳамкорлик дастури»ни ишга туширди. Кейинги 5 йил ичида Huawei ушбу дастур доирасида инновацион 5G иловаларига 20 миллион АҚШ доллари миқдорида сармоя киритишни режалаштирмоқда ва бу билан 5G экотизимининг гуллаб-яшнашига ёрдам бермоқда ва бешинчи авлод тармоқларининг тижорат муваффақиятларини тезлаштиришга ҳисса қўшмоқда.
Реклама ҳуқуқи асосида.
Изоҳ (0)