Футбол бўйича Англия чемпионатининг 27-турида «Манчестер Юнайтед» 23 февраль, якшанба куни «Уотфорд»ни қабул қилди.
«Олд Траффорд» стадионида бўлиб ўтган ўйинда «қизил иблислар» йирик ҳисобдаги ғалабани қўлга киритди. Биринчи бўлим якунланиши арафасида Бруну Фернандеш пенальтини аниқ амалга оширган ҳолда «Манчестер Юнайтед»даги дебют голини урди.
58-дақиқада Фернандешдан узатма қабул қилиб олган Антони Марсьяль дарвозабон билан бирга-бир вазиятга чиқиб борди ва жамоасининг иккинчи голини урди. 70-дақиқада Мэйсон Гринвуд жарима майдони ташқарисидан кучли зарба йўллаб, дарвозанинг тўққизлик бурчагини аниқ нишонга олди. Унга самарали узатмани Фернандеш амалга ошириб берди.
Мазкур ғалабадан кейин Оле-Гуннар Сульшер шогирдлари очколарини 41 тага етказиб олган ҳолда бешинчи ўринга кўтарилиб олди.
Параллел кечган баҳсда «Вулверҳемтон» ўз майдонида «Норвич»ни йирик ҳисобда таслим этди.
АПЛ
27-тур баҳслари
23 февраль, якшанба
«Манчестер Юнайтед» — «Уотфорд» 3:0
Голлар: 1:0 — 42, пенальти Бруну Фернандеш, 2:0 — 58 Марсьяль, 3:0 — 75 Гринвуд.«Манчестер Юнайтед»: Де Хеа, Магуайр, Уан-Биссака, Линдельоф, Шоу, Матич, Фред (Мактоминай, 79), Бруну Фернандеш, Жеймс, Марсьяль (Игало, 80), Гринвуд (Чонг, 80).
«Уотфорд»: Фостер, Кэткарт, Доусон, Мазина, Кабаселе, Хьюз, Капу, Перейра (Сарр, 69), Дукуре (Клеверли, 80), Дини (Уэлбек, 76), Деулофеу.
Огоҳлантиришлар: Кэткарт (67).
«Вулверҳэмптон» — «Норвич» 3:0
Голлар: 1:0 — 19 Диогу Жота, 2:0 — 30 Диогу Жота, 3:0 — 50 Хименес.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)