«Ўзгидромет»нинг хабар беришича, 21 февраль, жума куни, республика ҳудудига Каспий денгизидан Туркманистон орқали ҳаракатланаётган Жанубий Каспий циклони кирмоқда, натижада Қорақалпоғистонда ва Хоразм вилоятида ёғингарчилик (ёмғир, қор) кузатилмоқда.
Кун давомида Бухоро, Навоий вилоятларида айрим жойларга ёмғир ёғади. Самарқанд, Қашқадарё, Сурхондарё вилоятларида ёмғир кечга бориб ёғиши кутилмоқда. Қолган жойларда об-ҳаво қуруқ ва илиқ бўлади. Ҳарорат 12-17 даража атрофида бўлиб, шу кун учун хос бўлган ўртача кўп йиллик қийматлардан 4-5 даражага юқоридир.
22 февраль, шанба куни, Ўзбекистоннинг марказий қисмидагина (Тошкент, Самарқанд, Жиззах, Сирдарё вилоятлари бўйича) ёмғир ёғади. Мамлакатнинг қолган ҳудудларида об-ҳаво ёғингарчиликсиз бўлади. Ҳарорат кечаси 2-7 даража илиқ бўлади, кундузи 8-13 даражагача пасаяди.
22—23 февраль кунлари республика бўйича шамолнинг тезлиги секундига 15-20 метргача кучаяди.
23 февраль, якшанба куни, Ўзбекистон ҳудудига Туркманистон томондан яна илиқ ва нам ҳаво оқими киради. Республиканинг катта қисмида об-ҳаво ёғингарчиликсиз бўлади, фақат Самарқанд ва Қашқадарё вилоятларида куннинг иккинчи ярмида кучсиз ёмғир ёғиши мумкин. Кундузги ҳарорат яна кўтарилиб, 12-17 даража илиқни ташкил қилади.
Изоҳ (0)