21 февраль, жума куни, Туркманистон электр узатиш тармоғида рўй берган носозлик туфайли Ўзбекистонга етказиладиган электр энергияси кескин камайгани хабар берилган эди.
«Ўзбекистон миллий электр тармоқлари» матбуот хизматининг хабар беришича, 21 февраль куни соат 16:20 да Туркманистоннинг «Мари иссиқлик станцияси» ва «Сердар» подстанциялари оралиғидаги 500 кВли Л-511 ҳаво тармоғида содир бўлган носозлик туркманистонлик энергетиклар томонидан бартараф этилиб, Ўзбекистонга электр энергияси импорти тўлиқ ҳажмда тикланди.
Айни пайтда электр таъминотидан вақтинча узилган истеъмолчиларни тармоққа қайта улаш ишлари амалга оширилмоқда.
Маълумот учун, «Ўзбекистон миллий электр тармоқлари» акциядорлик жамияти 2019 йилнинг 1 декабридан «Туркманэнерго» давлат электр энергетика корпорациясидан электр энергияси импорти амалиётини амалга ошириб келмоқда.
Туркманистондан импорт қилинаётган электр энергияси носозлик сабаб узилиб қолиши 2019 йилнинг декабрида ва 2020 йилнинг январь ойида ҳам кузатилганди.
Изоҳ (0)