Коронавирус сабаб Япониянинг Йокогама портида карантинда турган Diamond Princess саёҳат кемасининг икки нафар йўловчиси вафот этди. Бу ҳақда NHK телеканалига таяниб, «РБК» хабар берди.

Фото: EPA

Diamond Princess саёҳат кемаси жорий йилнинг 20 январь куни Йокогамадан чиқиб, Кагосима—Гонконг—Окинава йўналишидан ўтиб, 3 февраль куни қайтиб келган. Бу вақтга келиб кемадаги бир неча киши тоби қочгани ҳақида хабар қилган ва ҳукумат бортдаги барчани текширувдан ўтказишга қарор қилган. 11 февраль куни саёҳат кемасидаги кексалар ва сурункали касалликларга эга беморларни соҳилга эвакуация қилиш бошланган эди.

19 февраль кунидан бошлаб Diamond Princess кемасининг йўловчилари қирғоққа чиқа бошлагани ҳақида хабар берилганди. Шу куннинг ўзида 500 киши кемани тарк этиши кутилаётганди.