Тошкент вилояти ИИББ ЙҲХБда вилоят ҳудудидаги ҳайдовчи тайёрлаш фаолияти билан шуғулланувчи ўқув ташкилотларининг мутахассислари ва ўқитувчилари иштирокида йиғилиш бўлиб ўтди, деб хабар беради бошқарма матбуот хизмати.
«Вилоят йўл ҳаракати хавфсизлиги бошқармасидаги йўл-транспорт ҳодисалари, қоидабузарликлар таҳлилига назар ташлайдиган бўлсак, йўл-транспорт ҳодисаларининг 42,4 фоизини 18-30 ёшдаги ҳайдовчилар содир этмоқда.
Қоидабузарликлар сонида ҳам ёш ҳайдовчилар салмоғи анчагина. Бу улар ўртасида ‘Йўл ҳаракати қоидалари’ ни тарғиб қилиш ишларини янада кучайтиришни, уларнинг билим ва малакаларини доимий равишда ошириб туриш зарурлигини кўрсатмоқда. Йиғилиш иштирокчилари бу борада амалга оширилиши лозим бўлган ишларни муҳокама қилди ва келгусида амалга оширилиши кўзланган чора-тадбирлар белгиланди», — дейилади хабарда.
Изоҳ (0)