АҚШ президенти Дональд Трамп мамлакат махсус хизматларидан бошқа мавжуд террористик таҳдидларга қарамасдан «Ал-Қоида» асосчисининг ўғли Ҳамза бен Ладенни йўқ қилишни талаб қилган. Бу ҳақда «РИА Новости» хабар берди.
Ўтган йилнинг сентябрь ойида Трамп Афғонистон ва Покистонда ўтказилган антитеррор операцияларида Усама бен Ладеннинг ўғли ўлдирилганини маълум қилганди.
Унинг сўзларига кўра, Ҳамза бен Ладеннинг йўқ қилиниши жангариларни яна бир етакчисидан маҳрум қилган ҳамда унинг отаси билан «рамзий алоқа»га барҳам берган.
Қайд этилишича, Трамп президентлигининг дастлабки икки йили мобайнида марказий разведка бошқармаси унга хавфли террорчилар рўйхатини тақдим этган, бироқ президент айнан Ҳамза Бен Ладенни ўлдиришни талаб қилган. Навбатдаги йўқ қилинадиган террорчини танлашда Трамп «террорчиларни исмидан таниши»дан келиб чиққан.
АҚШ махсус хизматлари йўқ қилишни режалаштираётганлар рўйхатида ИШИД етакчиси Абу Бакр ал-Бағдодий биринчи ўринда турган. Трамп унинг йўқ қилингани ҳақида ўтган йилнинг октябрида маълум қилган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)