Бугун,

  • USD 11095.31
  • RUB 173.84
  • EUR 10772.44

12 февраль куни жиноят ишлари бўйича Қуйи Чирчиқ туман суди биносида судланувчилар — Аҳмаджон Турсунбоев ва унинг шерикларига нисбатан жиноят ишининг тергов билан якунланган қисмини кўриб чиқиш бўйича тўртинчи очиқ суд жараёни ниҳоясига етди ва суд ҳукми эълон қилинди. Бу ҳақда «Дарё» мухбири хабар берди.

Фото: «Дарё»

Фото: «Дарё»

Чинозлик Аҳмадбой суд жараёнида ажратилган қисқа танаффус вақтида ОАВ вакилларининг ўнлаб саволларига жавоб берди.

«Фаолиятимни 2006 йилда бошлаганман. Аввалига фақат чорвачилик қилганман. Мен қассобман. Ўзим мол олардим ва фуқароларга мол берардим. Шунинг устидан фойдаланардим. Тўғри, мен ўз ишимдан пушаймонман, афсусдаман. Худонинг ўзи кечирсин. Молларни фоиз эвазига берганман. Масалан, бир фуқародан 5 миллион сўмлик молни 7 миллионга олиб, уни бошқасига 8-9 миллион сўмга ўтказганман. Ўзим ҳам пул айлантириб, пул чиқарганман. Лекин фоизга ўйнаганман. Шу ўйинга кирганман. Кирганингиздан кейин чиқолмайсиз, бу қийин нарса. Одамлар ўтириб олиб ‘Мана бундай қилса бўлади, ундай қилса бўлади’, деб гапираверади. Фуқаролар кўпайганидан кейин уларнинг пулини ферма ва бошқа нарсаларга қўйиб, маблағларни айлантирганман ва пулларини яна ўзларига тақсимлаб бермоқчи бўлганман. Вазият эса мана бундай бўлди», — деди Аҳмаджон Турсунбоев.

Аҳмадбой ўз интервьюсида ўн йиллик фаолияти мобайнида унга биров тўсқинлик қилмагани, фуқаролардан шикоят тушмаганини таъкидлаган.

«Агар сиз бировдан пул олиб, вақтида қайтармасангиз, у ариза ёзади ва ёпади. Мен фуқаролар пулини тўлаб, жой-жойига қўйиб беряпман. Пул топиб, уларга қандай қайтариш менинг ишим. Мақсадим ёмонлик бўлмаган, фақат ишлаш эди. Фуқароларни алдаш ниятим бўлмаган. Маҳалламдагиларга зиёним тегмаган. Қўлимдан келганича йўллар, қабристонлар ободлигига ёрдамлашдим. Ўн йиллик фаолиятим давомида устимдан ҳеч ким шикоят қилиб, ариза ёзмаган.

Менга енгил жазо берилса, имконим борича, чорвачиликни қайта йўлга қўярдим. Фуқаролар пул олиб келса, қайтиб олмайман. Ўйлаб кўринг, агар бу ишни қилсангиз, яна эртага одам кўпаяди, пул айланади ва яна қамаласиз. Энг ҳалоли, тинчгина чорвамни, деҳқончилигимни қиламан. Ишимдан қаттиқ пушаймонман. Аввало, Худодан кечирим сўрайман. Президентимиз Шавкат Мирзиёевдан ҳам минг бор узр сўрайман», — деди Турсунбоев.

Эслатиб ўтамиз, 12 февраль куни ўқилган суд ҳукмига кўра, Аҳмаджон Турсунбоевга нисбатан 1 йил муддатга тадбиркорлик билан шуғулланиш ҳуқуқидан маҳрум қилинган ҳолда 14 йил 4 ой озодликдан маҳрум қилиш жазоси тайинланди.

Изоҳ
Асосий янгиликлар
Дунё
«Туркия янги дунё тартибининг марказида бўлиши керак» — Эрдўғон
Маҳаллий
Андижонда 41 киши жароҳатланган автоҳалокат қурбонлари сони 4 нафарга етди
Маҳаллий
Ўзбекистонда помидор нархи барқарорлашди