Европа тикланиш ва тараққиёт банки (ЕТТБ) Ўзбекистонда «Angelesey Food» МЧЖ ХК Korzinka.uz супермаркетлар тармоғини бошқарувчи Сингапурнинг Anglesey Investments компаниясининг озчилик улушдаги акцияларини харид қилди. Бу ҳақда «Gazeta.uz» хабар қилган.
2019 йил ноябрь ойида Korzinka.uz’нинг ЕТТБдан 40 миллион долларлик тўғридан-тўғри инвестицияни жалб этгани маълум бўлганди.
«Бу ЕТТБнинг охирги ўн йилда Ўзбекистондаги аксионерлик капиталига киритилган биринчи инвестиция», — дейилади банкнинг хабарида.
Инвестициялар сабаб Korzinka.uz супермаркетлари тармоғи икки баравар кўпаяди (деярли уч баравар 50 тадан 140 тага етказилади), уларда ишловчилар сони ҳам 2023 йилга бориб икки баравар 5000 дан тахминан 10 минг нафарга етади.
Мавзуга доир:
2019 йилда ЕТТБ Ўзбекистондаги 13 та лойиҳага 500 миллион евро инвестиция киритган, шулардан 9 таси хусусий секторга тегишли эди. Бугунгача ЕТТБ мамлакат иқтисодиётига 79 та лойиҳа доирасида жами 1,85 миллиард маблағ жалб этган.
Изоҳ (0)