Биткоин қиймати ўтган йил октябрь ойидан бери илк бор 10 минг доллардан ошди. Бу ҳақда «РБК» хабар бермоқда.
Криптовалюта курси максимумда 10179 долларга чиққан, бироқ кейинчалик бироз пасайган.
Bloomberg агентлигига кўра, биткоин курси охирги ойда доимий ошиб бормоқда. 2020 йилнинг дастлабки кунларидаги умумий ўсиш эса 40 фоизни ташкил этган.
Таҳлилчилар юзага келган вазиятни инвесторларнинг Хитойдаги коронавирус билан боғлиқ ҳолат яқин орада бартараф этилиши ва унинг жаҳон иқтисодиётига таъсири унчалик сезиларли бўлмаслиги ҳақидаги хабарлар асносида қалтис активларга пул тикишга тайёрлиги билан изоҳламоқда.
Шунингдек, мазкур криптовалюта инвесторлар томонидан ортиб бораётган геосиёсий хатарлар фонида захира варианти сифатида ҳам кўрилмоқда.
Изоҳ (0)