АҚШ президенти администрацияси Конгрессдан сунъий интеллект технологиялари учун ажратиладиган харажатларни икки баробарга оширишни сўради. Бу ҳақда Оқ уй режасидан хабардор манбасига таяниб, Meduza хабар берди.
Вашингтоннинг режаларига кўра, 2021 йилда сунъий интеллект тадқиқотлари ва ихтиролари учун ажратиладиган маблағ ҳозирги 973 миллион доллардан 2 миллиард долларга қадар ўсиши керак.
Шунингдек, Дональд Трамп администрацияси квант ҳисоблаш соҳасига ҳам ажратиладиган маблағларни икки баробар оширишни сўраш ниятида. Соҳага ажратиладиган маблағлар яқин икки йил ичида 860 миллион долларга қадар ўсиши керак.
Манбанинг таъкидлашича, бу орқали Оқ уй сунъий интеллект ва квант технологияларига «сезиларли даражада эътибор қаратаётган» Хитойга етиб олиш ниятида.
АҚШнинг бош техник директори Майкл Крациос агентлик томонидан тақдим этилган рақамларни тадиқламаган, бироқ «бюджет соҳада Американинг етакчилигини кафолатлашига» ишонтирган.
Изоҳ (0)