Японияда Йокогама портида карантинга олинган Diamond Princess саёҳат кемасида коронавирус билан касалланганлар сони 64 кишига етди. Бу ҳақда Япония Соғлиқни сақлаш, меҳнат ва фаровонлик вазирлиги маълум қилди.
Маълумотларга кўра, 279 киши тиббий текширувлардан ўтказилган. Аввалроқ кемадаги йўловчиларнинг 61 нафари коронавирусни юқтириб олгани ҳақида хабар берилганди.
Diamond Princess кемасида текширувлар 80 ёшли йўловчида коронавирус аниқланганидан сўнг бошланганди. 3 февраль куни ўтказилган текширув натижаларга кўра, 10 кишида вирус аниқланган эди ва шундан сўнг кема 14 кунлик карантинга жойлаштирилган. Ҳукумат вакиллари томонидан хабар берилишича, вирус ташхиси қўйилган кемадаги барча йўловчилар Канагава префектурасидаги касалхонага ётқизилган. Ҳарбийлар коронавирус сабабли карантинга олинган 4 минг кишилик круизга озиқ-овқатлар етказиб бермоқда.
Мавзуга доир: Япониядаги Diamond Princess кемасида коронавирусни юқтириб олганлар сони уч баробарга ошиб кетди
Изоҳ (0)