Ўзбекистон фуқароларини Хитойнинг Ухань шаҳри ва бошқа ҳудудларидан олиб келиш учун ташкил қилинган чартер рейснинг дастлабки самолёти Тошкент халқаро аэропортига келиб қўнди. Бу ҳақда Соғлиқни сақлаш вазирлиги матбуот хизмати хабар берди.
Соғлиқни сақлаш вазирлиги Вирусология илмий текшириш институтининг юқумли касалликлар бўйича тажрибали мутахассис ва эпидемиолог-шифокорлари йўловчиларни самолётга чиқиш пайтида дастлабки тиббий кўрикдан ўтказиб, парвоз пайтида биологик хавфсизликни таъминлаш учун барча зарур воситаларга эга бўлган.
Хитойдан олиб келинган ўзбекистонликлар коронавируснинг кириб келиши ва тарқалишининг олдини олиш, хавфсиз санитария-эпидемиологик ҳолатни таъминлаш ҳамда аҳоли саломатлигини муҳофаза қилиш мақсадида махсус тайёрланган тиббиёт муассасасига жойлаштирилди.
Мавзуга доир: Хитойдан олиб келинадиган ўзбекистонликлар Тошкент шаҳри ва вилоятидаги махсус жиҳозланган касалхоналарга жойлаштирилади
Изоҳ (0)