Бугун, 4 февраль куни, Ўзбекистон МТРК ишида катта узилиш кузатилгани ва барча давлат телеканалларининг эфирга берилиши тўхтаб қолганлиги ҳақида ижтимоий тармоқларда тарқалган хабарларга «Ўзкомназорат» давлат инспекцияси ойдинлик киритди.
Қайд этилишича, «Радиоалоқа, радиоэшиттириш ва телевидение маркази» ДУКнинг хатига асосан 4 февраль куни марказ ускуналарида соат 01:00 дан 06:00 га қадар режадаги профилактика ишлари олиб борилган ва бу вақт оралиғида давлат ва нодавлат телеканаллари сигналларининг рақамли узатилиши вақтинча тўхтатилган.
Таъкидланишича, бу ҳақда «Ўзкомназорат» давлат инспекцияси 3 февраль куни ўз расмий сайти www.gis.uz, Facebook’даги расмий саҳифаси ҳамда Telegram каналида олдиндан огоҳлантирган.
Изоҳ (0)