«Барселона» Испания Кубогининг 1/8 финалида «Леганес»ни йирик ҳисобда мағлуб этди (5:0).
Бу каталон клуби сардори Лионель Месси учун барча мусобақаларни ҳисоблаганда 500-ғалаба бўлди. Аргентиналик футболчи «Барселона» сафида умумий 710 та ўйин ўтказиб, 622 голга муаллиф бўлган.
Месси испан футболида клуб миқёсида 500 та ғалабага эришган илк футболчига айланди.
Ундан кейинги ўринларда Хави (482 ғалаба), Икер Касиляс (463), Андрес Иньеста (459), Андони Субисаррета (444) ва Серхио Рамос (439) бормоқда.
Шунингдек, учрашувда дубль қайд этган Месси Испания мусобақаларидаги (чемпионат, Кубок ва Суперкубок) 499 ва 500-голини урди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)