Қозоғистонда ижтимоий тармоқлар орқали Олмаота шаҳрида коронавирус тарқалганлиги ҳақида хабарлар тарқатган шифокор ушланди. Бу ҳақда «Интерфакс» хабар берган.
Агентлик хабарига кўра, у Олмаота вилоятининг Енбекшиқозоқ туманида ишловчи 1980 йилда туғилган гинеколог. У интернет орқали ёлғон ахборот тарқатган ва бу ишни қилганини тан олган.
Шифокорга нисбатан жиноий иш қўзғатилган, унга нисбатан жарима қўлланилиши, жамоат ишларига жалб қилиниши, озодликни чеклаш чораси ёхуд озодликдан маҳрум қилиш жазоси тайинланиши мумкин.
Аввал Қозоғистонда мессенжерлар орқали оқ ҳалат кийган шифокорнинг Олмаотада коронавирус юқтириб олган 70 га яқин фуқаро борлиги ҳақида гапирган видеоролиги тарқалганди. Қозоғистон соғлиқни сақлаш вазирлиги мамлакатда коронавирус инфекциясига чалинган беморлар рўйхатга олинмаганини маълум қилган.
Мавзуга доир:
Изоҳ (0)