«Манчестер Юнайтед» Бруну Фернандеш трансферини эълон қилди

«Спортинг» ярим ҳимоячиси Бруну Фернандеш фаолиятини «Манчестер Юнайтед»да давом эттиради.

Инглиз клуби 25 ёшли футболчи трансфери борасида келишувга эришганини маълум қилди.

Португалиялик футболчи 30 январь кунига мўлжалланган тиббий кўрикдан ўтиши билан келишув расмийлаштирилади.

Аввалроқ Фернандеш «Манчестер Юнайтед» билан 2025 йилга қадар мўлжалланган шартнома имзолаши хабар қилинганди. У янги жамоаси йилига 6 миллион евро маош олади.

Манчестер клуби Френандеш трансфери учун 55 миллион евро сарфлайди. Шунингдек, 25 миллион евро миқдоридаги бонус пуллари ҳам назарда тутилган.