Америкалик афсонавий баскетболчи Коби Брайант авиаҳалокат натижасида 26 январь, якшанба куни вафот этди.
TMZ'нинг хабар қилишича, бортида 41 ёшли Брайант бўлган вертолёт Калифорнияда ҳалокатга учраган. Хабарларга кўра, вертолётнинг қулаши натижасида жами беш киши вафот этган. Таъкидланишича, Сикорскй С-76 русумли вертолёт спортчига тегишли бўлган.
«Қора мамба» лақаби билан машҳур бўлган Коби «Лос-Анжелес Лэйкерс» билан беш марта НБА чемпионлигини қўлга киритган. Шунингдек, у АҚШ терма жамоаси билан Пекин—2008 ва Лондон—2012 Олимпиадаларида ғолиб чиққан.
Брайант 2016 йилда фаолиятини якунлаган эди.
Изоҳ (0)