XXI аср футболида ўзига хос ном қозонган португалиялик мураббий Жозе Моуриньо 26 январь куни 57 ёшга тўлди. Нафақат ўйин услуби, қўлга киритган совринлари билан дунё футболида ўз ўрнига эга бўлган Special One матбуот анжуманларидаги чиқишлари билан ҳам тилларда достон бўлган. Биз эса унинг энг машҳур иқтибосларини бир саҳифага жамлашга ҳаракат қилдик.
Роман Абрамович билан ваколатларини алмашиш ҳақида
Агар Роман Абрамович менга мураббийлик қилишда ёрдам берганида, биз ҳозир мусобақа жадвалининг қуйи поғоналарида бўлардик. Бордию, мен унинг бизнес дунёсида ишлаганимда, биз аниқ касодга учрар эдик.«Реал»даги дебют ўйинида қайд этилган дуранг ҳақида
Мен мураббийман, Гарри Потер эмас. У сеҳргар, аммо реал ҳаётда сеҳрга ўрин йўқ. Сеҳр — афсона, футбол эса реаллик.Фаолиятидаги янги чақирувларга нисбатан муносабати ҳақида
Агар енгил иш излаганимда «Порту»да қолган бўлардим. Ҳаворанг ажойиб ўриндиқ, Чемпионлар Лигаси Кубоги, Худо, ундан кейин эса мен.«Челси» билан муваффақиятга эришиши мумкинлиги ҳақида
Мени каландимоғ деб ҳисобламанг. Аммо Чемпионлар Лигасини ютганман ва мен ўзгачаман.«Барселона»га қарши баҳсда Мессининг йиқилишидан сўнг «Челси» ҳимоячиси Асер дел Орнонинг четлатилгани ҳақида
Каталон тилида «симулянт» сўзи қандай янграйди? Барселона — кўплаб катта театрларга эга маданиятли шаҳар. Месси эса у ерда кўп нарсани ўрганибди. Айниқса актёрлик маҳоратини яхши ўзлаштирган.Ёхан Кройфнинг Жозени ҳаддан ортиқ прагматизмда айблаши ҳақида
У мени Чемпионлар Лигаси финалида 0:4 ҳисобида мағлуб бўлишга ўргатишини хоҳламайман.«Реал»га ўтгани ҳақида
Мен Жозе Моуриньоман ва ҳеч қачон ўзгармайман. Бу ерга аслида қандай бўлсам шундай, ўзимга хос сифатларим ва камчиликларим билан келдим.«Реал» билан «Барселона»га қарши Чемпионлар Лигаси ярим финал баҳсига тайёргарликлар ҳақида
10 нафар футболчини шуғуллантиришим керак. Гап шундаки, «Челси» билан вақтида «Барселона»га қарши баҳсни 10 киши бўлиб якунлаганман. «Интер» билан ҳам худди шундай бўлган. Бу яна такрорланиши мумкин. Шундай экан, 10 киши бўлиб ўйнашни ўрганиб олишимиз керак.Тил ўрганиш борасида ўзи ва «Ювентус»нинг ўша вақтдаги (2007—2009 йиллар) мураббийи Клаудио Ранери ҳақидаги фикрлари
Ойлар давомида кунига беш соатдан вақт сарфлаб «Интер» футболчилари, маҳаллий мухлислар ва журналистлар билан тўғридан тўғри мулоқот қилиш учун италян тилини ўргандим. Ранери эса Англияда беш йил ишлади, аммо ҳалигача инглиз тилида «Хайрли кун» (Гоод афтерноон) ҳам деб айта олмайди.Халқаро майдондаги фаолиятини якунлаганини эълон қилган Клод Макелеленинг Франция терма жамоасига чақирилгани ҳақида
Энди мен биламан: Макелеле футболчи эмас, у — қул. Унда танлов эркинлиги йўқ. Франция бош мураббийи агар Клод терма жамоа учун ўйнай олмас экан, клуб учун ҳам ўйнамайди деди. Қоидалар шундай экан. Макелеледа эса танлов ҳуқуқи йўқ.Сиёсат ҳақида
Сиз ростдан ҳам менинг сиёсат ҳақидаги қарашларимни билмоқчимисиз? Шундай жавоб бераман: мен 4-3-3 схемасига бош эгаман.Ўзига керак бўладиган ўйинчи ҳақида
Менга ажойиб характерга эга футболчи керак эмас. Бу мен фарзандларимда кўришни хоҳлаган сифат, холос. Менга тўпни дарвоза тўрига йўллай оладиган ўйинчи керак.Дунёнинг энг яхши мураббийи ҳақида
Мен дунёнинг энг яхши мураббийи эмасман. Бироқ мендан-да яхшироқ кимдир бор деб ўйламайман.Футбол ҳақида
Футбол атом урушига ўхшайди. Бу ерда ғолиблар йўқ, фақат тирик қолиш учун курашаётганлар бор.Эшитиш ҳақида
Ақлли одамни тинглашни истаган заҳотим — мен гапиришни бошлайман.Мағлубият ҳақида
Беш марта 0:1 ҳисобида ютқазгандан кўра, бир марта 0:5 ҳисобида мағлуб бўлган яхши.
Мавзуга доир: Беназир. «Реал»га устозлик қилган, ундан олдин эса «Барселона»да таржимон бўлган Жозе Моуриньо ҳақида
Бонус+
Жозе Моуриньонинг жамоавий совринлари рўйхати:
«Порту»- Португалия чемпиони (2): 2002/03, 2003/04
- Португалия Кубоги: 2002/03
- Португалия Суперкубоги: 2003
- Чемпионлар Лигаси: 2003/04
- УЕФА Кубоги: 2002/03
- Жами: 6 та
- Англия чемпиони (3): 2004/05, 2005/06, 2014/15
- Англия Кубоги 2006/07
- Англия Лига Кубоги (3): 2004/05, 2006/07, 2014/15
- Англия Суперкубоги: 2005
- Жами: 8 та
- Италия чемпиони (2): 2008/09, 2009/10
- Италия Кубоги: 2009/10
- Италия Суперкубоги: 2008
- Чемпионлар Лигаси: 2009/10
- Жами: 5 та
- Испания чемпиони: 2011/12
- Испания Кубоги: 2010/11
- Испания Суперкубоги: 2012
- Жами: 3 та
- Англия Лига Кубоги: 2016/17
- Англия Суперкубоги: 2016
- Европа Лигаси: 2016/17
- Жами: 3 та
Асрор Абдуназаров тайёрлади.
Изоҳ (0)