Шавкат Мирзиёев Ўзбекистон ҳукумати таркибини тасдиқлади

Ўзбекистон Президенти Шавкат Мирзиёев 24 январь, жума куни Вазирлар Маҳкамасининг аъзоларини тасдиқлаш тўғрисидаги фармонни имзолади.

Ўзбекистон ҳукумати 20 январь, душанба куни бош вазир бошчилигида янги сайланган парламент олдида ўз ваколатларини топширган эди. Юқори ва қуйи палаталарнинг 21 январь, сешанба куни бўлиб ўтган қўшма мажлисида мамлакат бош вазири лавозимига Абдулла Арипов қайтадан тасдиқланди. Қонунчилик палатаси 22 январь, чоршанба куни ҳукумат аъзолари номзодларини маъқуллади.

Ҳукуматда учта лавозим вакант бўлиб қолмоқда. Булар — инвестициялар ва ташқи иқтисодий алоқалар масалалари бўйича бош вазир ўринбосари (аввал бу лавозимни амалдаги транспорт вазири Элёр Ғаниев эгаллаб турган эди),  таълим ва соғлиқни сақлаш масалалари бўйича бош вазир ўринбосари, фавқулодда вазиятлар вазири.

Вазирлар Маҳкамаси таркиби

Раҳбарият

1. Арипов Абдулла Ниғматович — бош вазир;
2. Раматов Очилбой Жуманиязович — бош вазирнинг биринчи ўринбосари;
3. Қўчқоров Жамшид Анварович — бош вазир ўринбосари — Ўзбекистон Республикаси молия вазири;
4. лавозими бўйича — бош вазирнинг инвестициялар ва ташқи иқтисодий алоқалар масалалари бўйича ўринбосари;
5. лавозими бўйича — бош вазирнинг таълим ва соғлиқни сақлаш масалалари бўйича ўринбосари;
6. Абдуҳакимов Азиз Абдуқаҳҳорович — бош вазир ўринбосари — Ўзбекистон Республикаси Туризмни ривожлантириш давлат қўмитаси раиси;
7. Боситхонова Элмира Эркиновна — бош вазир ўринбосари — Ўзбекистон Хотин-қизлар қўмитаси раиси;

1. Комилов Абдулазиз Хафизович — ташқи ишлар вазири;
2. Хўжаев Ботир Асадиллаевич — иқтисодиёт ва саноат вазири;
3. Давлетов Русланбек Қуролтоевич — адлия вазири;
4. Қурбонов Баҳодир Низомович — мудофаа вазири;
5. Бобожонов Пўлат Раззоқович — ички ишлар вазири;
6. Умурзоқов Сардор Ўктамович — инвестициялар ва ташқи савдо вазири;
7. Хўжаев Жамшид Абдуҳакимович — қишлоқ хўжалиги вазири;
8. Ҳамроев Шавкат Раҳимович — сув хўжалиги вазири;
9. Ҳусанов Нозим Бахтиёрович — бандлик ва меҳнат муносабатлари вазири;
10. Шодмонов Алишер Қаюмович — соғлиқни сақлаш вазири;
11. Мажидов Ином Уришевич — олий ва ўрта махсус таълим вазири;
12. Шерматов Шерзод Ҳотамович — халқ таълими вазири;
13. Шин Агриппина Василевна — мактабгача таълим вазири;
14. Назарбеков Озодбек Аҳмадович — маданият вазири;
15. Содиқов Шуҳрат Муҳамаджонович — ахборот технологиялари ва коммуникацияларини ривожлантириш вазири;
16. Солиев Музаффар Холдорбоевич — уй-жой коммунал хизмат кўрсатиш вазири;
17. Абдураҳмонов Иброҳим Йўлчиевич — инновацион ривожланиш вазири;
18. Набиев Дилмурод Ҳамидуллаевич — жисмоний тарбия ва спорт вазири;
19. Зокиров Ботир Эркинович — қурилиш вазири;
20. Ғаниев Элёр Мажидович — транспорт вазири;
21. Султонов Алишер Саидаббосович — энергетика вазири;
22. лавозими бўйича — фавқулодда вазиятлар вазири;

1. Азимов Муротжон Бердиалиевич — Давлат божхона қўмитаси раиси;
2. Мусаев Беҳзод Анварович — Давлат солиқ қўмитаси раиси;
3. Гулямов Бахтиёр Ваҳобович — Саноат хавфсизлиги давлат қўмитаси раиси;
4. Исмоилов Ойбек Ортиқович — Мудофаа саноати давлат қўмитаси раиси;
5. Бегалов Баҳодир Абдусаломович — Давлат статистика қўмитаси раиси;
6. Абдуллаев Абдушукур Ҳамидович — Ер ресурслари, геодезия, картография ва давлат кадастри давлат қўмитаси раиси;
7. Қўчқоров Баҳром Тўлқинович — Экология ва атроф-муҳитни муҳофаза қилиш давлат қўмитаси раиси;
8. Исломов Бобир Фарҳодович — Давлат геология ва минерал ресурслар қўмитаси раиси;
9. Норқобилов Баҳромжон Тўраевич — Ветеринария ва чорвачиликни ривожлантириш давлат қўмитаси раиси;
10. Бакиров Низомидин Жалилович — Ўрмон хўжалиги давлат қўмитаси раиси.