Янги йилнинг илк ҳафталарида Йўл ҳаракати хавфсизлиги бошқармаси ходимлари профилактик тадбирларга урғу бермоқда, деб хабар беради пойтахт ИИББ матбуот хизмати.
Фото: «Дарё»
Қайд этилишича, ЙҲХБ инспекторлари ҳайдовчи ва пиёдаларга йўл ҳаракати қоидалари, қоидабузарлик учун жавобгарлик кўзда тутилганини эслатмоқда.
«Бу каби ишлар натижа бериши ҳар бир инсоннинг ўзига, унинг тарбиясига, ўзини бошқара олишига, умумий маданиятига боғлиқ. Бироқ баъзи ҳолатларда маъмурий жавобгарлик тўғрисидаги баённомаларсиз иш битмайди», — дейилади хабарда.
2020 йилнинг 13 январь кунидан 19 январгача ИИББ ЙҲХБ ЙПХ ходимлари томонидан 9 920 та йўл ҳаракати қоидабузарлиги бўйича баённома тузилди, шулардан 1 900 таси қўпол тарздаги қоидабузарликлардир. Бундан ташқари 1329 таси тўхташ ва тўхтаб туриш қоидаларини бузиш, 627 таси зарур ҳужжатларсиз бошқариш, 553 таси светофорнинг тақиқловчи чироғини менсимаслик ҳисобланади.
Фото: Тошкент шаҳар ИИББ матбуот хизмати
